Khori Buriad

Хаврын цэнхэр талаас зуны ногоон цэцэрлэгт Г.СОНИНБАЯР Онгоц газардахаар хурдаа алгуурхан сааж эхлэхүй цонхоор өвс ногоо шаргалтан харагдахад сэтгэл тайвшрав. Агь нүдэлж, бургас гөлөглөх хараахан болоогүй хахирган хавар цаг ч гэлээ эх нутгийн уул ус, өвс ногоо сэтгэлд нэн дотно. Шүд хага ташим хүйтэн булгийн ус мэт цэнгэг агаараар цээж тэнүүн амьсгалахдаа монгол хүн болж төрсний ид бахыг мэдрэх шиг болов. Өглөөний сэлүүн туулай цагт Бээжингээс хөөрсөн онгоц хоёр цаг гаруйхан нисээд Буянт-Ухаагийн шаргал дэнжид газардсан нь энэ. Долоо хоногийн турш үргэлжилсэн аяны цулбуурыг ийн эвхлээ. Харин аяны замд төрсөн бодол, сэтгэгдэл хөвөрсөөр. Өмнөд хөршийн нийслэл Бээжин хотноо анх хөл тавиад хаврын цэнхэрхэн униарт талаасаа мордоод зуны ногоон цэцэрлэгт хүрээд ирэх шиг санагдсан билээ.
"Бохайн тэнгисээс хэлхсэн сувд буюу бяцхан Европын тэмдэглэл" цааш унших »

Богд Дүнжингарав уулын хяр дээр хорьдын саран амсхийж, тэнгэрийн хаяанаас одод шуугдан, эргэн тойрон нам гүм ноёлжээ. Богд гэгээнтний номын орон асан дагшин газар Манзуширын хийдэд үүрийн таван жингээр хөл тавилаа. Их хотын утаа униар, дуу чимээнээс зугтах мэт шөнө хагаслан гарсан бид цаг хэртэй давхиад л зорьсон газраа ирсэн нь энэ. Г.Мэнд-Ооёо ах хэзээний хашир уулчин тул аяллын багийнхнаа жагсаан дэс дараагаар тоолуулан бүртгэл явуулж, Богд хан ууланд хэрхэн авирах тухай болон энэхүү аяллын утга, зорилгын тухай товчхон танилцууллаа.
Хаврын тэргүүн сарын 20-ны үүрээр Богд хан уулын ноён оргил Цэцээ гүнд авирах багийнхан ийн аяллаа эхлэв. Энэ өдөр бол гуравдугаар сарын 15 буюу дорнын их яруу найрагч Бэгзийн Явуухулангийн мэндэлсэн өдөр байв. Их Явуугийн мэндэлсэн өдрийг ийнхүү эртний тахилга шүтээнд уулын амнаа угтаж Богд Дүнжингаравынхаа номын сүншигт салхиар илбүүлсэндээ бэлэгшээсэн бөлгөө.
"Цэцэн найргийн туг Цэцээ гүнд мандлаа" цааш унших »

УИХ-ын гишүүн Х.Жекейтэй ярилцлаа.

-Улс төрийн тогоонд Оюутолгойн гэрээ, төсвийн тодотгол гээд олон ээдрээтэй асуудлууд ид буцалж байна. Харин хоёулаа арай өөр сэдвээр ярилцвал яасан юм бэ?
-Бололгүй яахав.
-Хэдхэн хоногийн дараа цэргийн баяр буюу зэвсэгт хүчний ой болох гэж байна. Танд баярын мэнд хүргэе?
-Баярлалаа. Юуны өмнө танай сониноор дамжуулан цэргийнхэндээ баярын мэнд хүргэе. Энэ бол тусгаар тогтнол, үндэсний аюулгүй байдал, улсын  халдашгүй дархан байдлыг хангах төрийн тусгай чиг үүргийг гүйцэтгэж байгаа бүх хүмүүст хамаатай баяр. Гэхдээ цэргийн хүн баяр тэмдэглэх боломж ховор шүү дээ. Бусад хүн баярлаж байхад цэргийн хүн үүргээ гүйцэтгээд л явж байх нь олон. Жишээ нь, хилчин хүн байгаль, цаг агаарын ямар ч хүндрэл тохиолдсон, өдөр шөнө ялгалгүй хилээ манаж байдаг. 
"Х.Жекей: Л.Дандар баатар надад хурандаагийн мөрдэсээ бэлэглэж байлаа" цааш унших »

     Яруу найрагч ЛОМБЫН НЯМАА -“Зүүдний цагаан унага” зүрхэнд янцгаахын учир-   Монголын их утга зохиолын тэнгэрт Сэнгийн Эрдэнэ хэмээх нэгэн том од гялалзан байсан цаг саяхан шиг санагдана. Тэр од харваад бас ч хэдэн жил өнгөрчээ. Манай ард түмэн “унтарсан од мянган жил асна” хэмээн цэцэлдэг билээ. Энэ тухай Монголын нэрт яруу найрагч Б.Цэдэндамба “Од” шүлэгтээ бичсэн буй. Үүнийг үл өгүүлэн өгүүлэх минь.
Би Сэнгийн Эрдэнэ гэдэг зохиолчийг 1960-аад оны дунд үеэс таних болж зохиолчдын хорооны хурлын танхим, Сэрүүн Галттай, Галттай голын хөвөөнд орших төрсөн гэрийнх нь буурь, Баян-Адарга сумын төв, Баян Дуурьлиг нарсны сүүдэрт, аугаа их Хэрлэнгийн хөдөө арал, эзэн Богд Чингисийн хамаг Монголын хаан болсон түүхт нутаг Хар Зүрхний Хөх нуурын хөвөө, Дадалын Дэлүүн болдог, Өндөрхааны зочид буудал зэрэг олон газар уулзаж явсан маань тархины бор хальс, тэмдэглэлийн дэвтэрт бичиглэгдэн үлджээ.
"С.Эрдэнэ: “Өвгөн шувуу” өгүүллэгийн Жав өвгөн чинь Л.Ванган юм шүү дээ" цааш унших »