Ноён хутагтын ерөөл тавьсан Шамбалын овоо

“ХААЛГА ЗАДГАЙ ШАМБАЛЫН
ХААНААС НЬ Ч ОРЖ БОЛНО…”
Гэгээн уянга, бодрол бясалгалын дууч, бурханы үнэнч шавь, яруу найрагч Т.Содномнамжил ах маань нэгэнтээ ийн шүлэглэсэн билээ. Улаан гэрэлт Шамбалын тухай тэрбээр олонтаа бичсэн. Их говийн Эрдэнэ мэргэн Ноён хутагт Д.Данзанравжаагийн байгуулсан Хойд Шамбалын орны хаалгаар орох ахуйд номын ахын мэргэн шад цээжнээ тарни мэт тодроно. Со ах минь эдүгээ гайхамшигт дээд бүтээлийн орон Шамбалд морилон сэтгэлийн туйлын амгаланг олж, энэ Замбулинд үл эдлэх жаргалыг эдлэн Шамбалын орны 25 их хааны шадар болон суугаа болов уу. Их найрагч О.Дашбалбар ч тэр орноо залран номын хүрдэн эргүүлж буй гэдэгт үл эргэлзэнэ. О.Дашбалбар найрагч Шамбалын тухай мөн олонтаа бичсэн. Тэр бас бурханы үнэнч шавь байсан.
Энэ мэт номын мэргэд, найргийн бурхадын оюуны гэрэлд Шамбалын орны тухай дуулж сонссон төдийгөөс цаашгүй өчүүхэн дорд хүмүүн би бээр төгс гэгээрэл, оюуны дээд хөгжлөөр хүрч болох тэр ариун дагшин орноо очсон нь говийн Ноён хутагтын тавьсан эртний сайхан ерөөлийн цаглашгүй хүчин чадал байв. Ноён хутагт тэнгэрт халихынхаа өмнөхөн буюу 1852 онд шавь нартайгаа Шамбалд уулзахын ерөөл талбин овоо босгон, Шамбалын тэг тавьсан нь Хойд Шамбалын орон хэмээн нэрлэгдэх болсон ажгуу. [...]]]> Wed, 11 Nov 2009 15:34:54 +0800 http://bodliin-sar.blog.banjig.net/post.php?post_id=298828 http://bodliin-sar.blog.banjig.net/post.php?post_id=233065

С.Удвал ахайтны санаачлан сүндэрлүүлсэн уран зохиолын их өргөөний үүднээс бидний аялал эхэллээ. Сүүлийн хэдэн өдөр Хэнтийн Батширээтээс чих амраалгүй утасдсан яруу найрагч Д.Гансүрэн ахайтан биднийг өглөөний 6.00 цагт Монголын зохиолчдын эвлэлийн үүдэнд бэлэн байхыг үүрэгдсэн билээ. Товлосон цагтаа зохиолч, яруу найрагчид бүрэн цугларав. Санжийн Пүрэв баавай тамхиа баагиулан хүд хүд инээн, онгодтой, омголон найрагч Ламжавын Мягмарсүрэн ах урт шаргал үсээ намируулан алхаж, нөхдөө хөгжөөн дуу шуу болж байгаа харагдана. “Болор цом”-ын эзэн яруу найрагч Ж.Баяржаргал, яруу найрагч, орчуулагч Ж.Нэргүй, яруу найрагч Д.Баянтунгалаг, М.Амархүү гээд олны хайр хүндэтгэлийг хүлээсэн сайхан найрагчидтай холын замд дөрөө харшуулах болсондоо олзуурхан зогслоо. Удалгүй “Болор цом”-ын эзэн Арлааны Эрдэнэ-Очир найрагч хүрэлцэн ирснээр манай багийнхан бүрдэв. А.Эрдэнэ-Очир ах бид хоёр ийнхүү Хэнтийн Батширээт рүү гурав дахь удаагаа аяны дөрөө нийлүүлэх гэж байгаа нь энэ. [...]]]> Thu, 30 Jul 2009 19:20:01 +0800 http://bodliin-sar.blog.banjig.net/post.php?post_id=233065 http://bodliin-sar.blog.banjig.net/post.php?post_id=222361

Xentiin Dadald ene zurgiig darsan yum. Bodonchir Bogdiin otog ruu yavax zamd xodoog tergen deerees darsan uxaantai.

Эрээний зээлээр алхахад Улаанбаатарт, “Нарантуул” зах дээр эсвэл Нарлаг хорооллын аль нэг дэлгүүрт яваа мэт сэтгэгдэл төрнө. Алхам тутамд элэг нэгтнүүд маань тааралдах нь сайхан ч юм шиг. Монголчууд хөгшин хөвөө, хүүхэд залуугүй л Эрээнийг зорих болжээ. Хятадын умард хилийн боомт хот Эрлян буюу Эрээн хот бараг л монгол таун болчихож. Хилийн дээс алхаж, харийн хотод ирсэн хүн ёс заншил, хэл ус мэдэхгүй, хүн танихгүйн бэрхшээлтэй тулгардаг бол Эрээнд тийм зовлон даанч алга. [...]]]> Mon, 06 Jul 2009 09:23:00 +0800 http://bodliin-sar.blog.banjig.net/post.php?post_id=220898 http://bodliin-sar.blog.banjig.net/post.php?post_id=220897

                                                                                                                                                                                 Өндөрхаан уулыг эртнээс нааш тайж тахиж ирсэн түүхтэй. Өндөрхаан хотоос хойш 28 километрт, далайн төвшнөөс дээш 2664 метр өндөрт оршдог. Өндөрхаан уулыг Б

урхан Халдун уулын дүү уул хэмээн домоглох нь бий. Энэ уулын эзэн савдагийг эртний сан тахилгын ном судруудад дараахь байдлаар дүрслэн өгүүлжээ. Их дэлхийн эзэн Өндөрхаан тэргүүтэн, энэ орны өвс, ус, уул, голуудад оршсон тэнгэр орныг тэтгэгч нөхөд сэлт эзэн хэмээвээс сэтгэлд зохистой сайн харшаас эрдэнийн их ширээний дээр их Өндөрхааны биеийн өнгө цагаан, нэг нүүртэй, хоёр мутартай, баруун гартаа сангийн бумба барьсан, зүүндээ чандмань эрдэнэ барьсан, солонго мэт тэнгэрийн эдийн хувцсыг хүврүүлэн, цаст уул мэт маш цагаан торгон титэм асаасан, маш жавхлантай нөхөд чуулганы далайгаар хүрээлэгдсэний дунд баруун хөлөө жийсэн, зүүн хөлөө хумисан байдлаар орших ажээ.

Өндөрхаан уулын сан

Намо базра бхайра, ваяа.Энэ Өндөрхааны дэлхийн эзэн (шивдаг)-д сан тахил балин өргөхийг хүсвээс сэтгэлдээ зохицуулан оршуулаад, тахил балинг дэлгэрүүлэн үйлдвээс зүрхэн тарнийн үйлс номлох мэт ба хураангуйлваас их цагаан балин нэг, улаан балин мах цус зэргээр чимээд бусад ариутгал хийгээд тостой гурил (чимар), сэржим, жансиг тэргүүтнийг зэхэгтүн. Өөрийн тангараг алиныг үйлдэхүйн бүтээлийн аргаас номлох мэт адистидла! Тэр мэтийг эс мэдвээс, Ум аа хум хэмээн гурвантаа урилга сэлтийг өгүүлж уншин үйлдэх бөлгөө. [...]]]> Mon, 06 Jul 2009 09:04:31 +0800 http://bodliin-sar.blog.banjig.net/post.php?post_id=220897 http://bodliin-sar.blog.banjig.net/post.php?post_id=180576 С.Билигсайхантай намайг Л.Нямаа багш минь эчнээ танилцуулсан юм. Дараа нь манай нутгийн Н.Жагдаг ламтныг Бельгид очиход тэрээр надад ил захидал явуулж цахим хаягаа илгээсэн билээ. Саяхан бид хоёр баахан чааталж, нутаг, шүлэг, хайр дурлал энэ тэрийн тухай бурсан юм. Түүний шүлгүүд өөр шүү. Гоё. Гэгээлэг. Авьяастай. С.Билигсайхан манай ээжийн нутаг Дорноговийн Хатанбулагийн хүүхэд. Түүний аав, ээжийнх нь тухай ээждээ хэлсэн чинь удам судар, нэр хоч энэ тэрээр нь мэдэж байна лээ шүү, хэ хэ. Аав нь манай нагац ахын анги энэ тэр гээд л... 

Сүүдэр нь навчнаа гэрэлтэx мододыг …
1 сар19
Сүүдэр нь навчнаа гэрэлтэx мододыг
Сиймгэр үдэш энгэртээ тэвэрчээ
Улаан тоосго эмтэрч
Улаан манан замxарч
Улаан гэгээнээс би алдуурч
Улаан нүднээ чи дуурнам
Баясгалант оргилуун насны минь алxаа
Намайг тойрон бүжиж
Бадраxгүй байxын арга үгүй
Xөгжимт гудамжнаа би иржээ
Өмнөөс минь xавар тосож
Ардаас минь намар үднэ
Xайралмаар уяран уйлмаар
Ертөнц дэлxийд би үлдэж
Xайрын шүлгүүдээ уншмаар байнам.
2009.1.17 leuven

[...]]]> Mon, 04 May 2009 10:41:35 +0800 http://bodliin-sar.blog.banjig.net/post.php?post_id=180576 http://bodliin-sar.blog.banjig.net/post.php?post_id=180577 Mon, 04 May 2009 10:41:35 +0800 http://bodliin-sar.blog.banjig.net/post.php?post_id=180577